Kam qenë e shtruar disa ditë në një spital publik për një ndërhyrje dhe tani doktori im privat më kërkon historikun e plotë mjekësor për të vazhduar trajtimin. Kur jam kthyer te spitali për ta marrë, më kanë thënë se kartela ‘mbetet pronë e institucionit’ dhe nuk mund të më jepet origjinali. A kam të drejtë ligjore ta shoh dhe ta marrë një kopje të plotë të dokumentacionit tim mjekësor, apo vendimi i spitalit është i drejtë?
Sipas Ligjit Nr. 2004/38 për të Drejtat dhe Përgjegjësitë e Qytetarëve në Kujdesin Shëndetësor, pacienti ka të drejtë të informohet plotësisht për gjendjen e vet shëndetësore dhe të ketë qasje në dokumentacionin mjekësor që e përmban. Institucioni shëndetësor ka të drejtë ta ruajë origjinalin e kartelës si dokument arkivor, por është i detyruar t'i lëshojë pacientit, me kërkesë me shkrim, një kopje të plotë ose ekstrakt të historikut mjekësor brenda një afati të arsyeshëm, zakonisht disa ditësh pune. Refuzimi i plotë i qasjes në të dhëna, pa arsyetim dhe pa i ofruar asnjë formë kopjeje, bie ndesh me parimin e transparencës së parashikuar në këtë ligj dhe mund të ankimohet fillimisht te drejtoria e institucionit, e më pas te Inspektorati Sanitar dhe Shëndetësor pranë Ministrisë së Shëndetësisë. Këshilloj që kërkesën ta bëni me shkrim, duke cituar shprehimisht ligjin e lartpërmendur, dhe të kërkoni përgjigje zyrtare brenda afatit administrativ. Nëse spitali vazhdon të refuzojë, mund të drejtoheni edhe te Avokati i Popullit, i cili trajton ankesa për shkelje të të drejtave të pacientëve ndaj institucioneve publike.
Ky sit përdor skedarë cookie për personalizimin e përmbajtjes dhe reklamave, mbledhjen e analizave dhe qëllime të tjera. Mund të njiheni me politikën tonë të cookie. Nëse pranoni përdorimin e skedarëve cookie, klikoni "Prano".
Avokate-ks.com